Greqia dërgon fregata dhe avionë luftarakë në Qipro pas sulmit me dronë
Nga OraNews Përditësimi i fundit 2 Mars 2026, 23:11
Greqia po rrit mbështetjen e saj ushtarake për Qipron pas sulmit me dron ndaj një baze ajrore britanike në ishull, tha sot ministri grek i Mbrojtjes, Nikos Dendias.
“Athina do të vendosë dy fregata dhe dy avionë luftarakë F-16 në ishullin fqinj të BE-së”, tha Dendias për transmetuesin grek “ERTNews”.
Anijet luftarake janë të pajisura me sisteme moderne mbrojtëse ajrore dhe dronësh.
Ky veprim vjen pas një sulmi me dron gjatë natës në bazën ajrore britanike në Akrotiri, pranë qytetit portual të Limasolit.
Fillimisht, nuk kishte informacione të konfirmuara se nga u nis droni ose kush mund ta ketë dislokuar atë.
Presidenti qipriot, Nikos Christodoulides tha se droni ishte i tipit “Shahed”, i cili prodhohet kryesisht në Iran.
