Tensionet Irani-SHBA/ Paralajmëron Teherani: Çdo s*lm në territorin tonë, do të konsiderohet “akt agresioni”
Nga OraNews Përditësimi i fundit 23 Shkurt 2026, 11:32
Tensionet mes Iranit dhe SHBA janë në rritje. Së fundmi, Irani ka paralajmëruar se do ta konsideronte çdo sulm në territorin e tij, përfshirë sulmet e kufizuara një “akt agresioni”.
Kjo vjen në një kohë kur Uashingtoni po rrit presionin ushtarak mbi Teheranin.
Presidenti i SHBA-së Donald Trump deklaroi më herët se po shqyrtonte një sulm të kufizuar ushtarak ndaj Iranit nëse Teherani nuk arrinte shpejt një marrëveshje me SHBA-në.
Duke iu përgjigjur kësaj deklarate sot, Esmail Baghai, në një konferencë për shtyp në Teheran, theksoi: “Sa i përket pyetjes së parë në lidhje me një sulm të kufizuar, nuk ka sulm të kufizuar. Por edhe një akt agresioni do të konsiderohet një akt agresioni. Pikë.”
