Aksident në Librazhd–Elbasan/ Dy makina përplasen, Benz-i përfundon i përmbysur
Nga OraNews Përditësimi i fundit 11 Shkurt 2026, 12:05
Një aksident rrugor është regjistruar në rrugën nacionale Librazhd–Elbasan, ku dy automjete janë përplasur me njëra-tjetrën dhe më pas kanë përfunduar jashtë rruge.
Ende nuk dihet numri i personave të lënduar, ndërsa në vendngjarje kanë mbërritur forcat e policisë, të cilat po punojnë për zbardhjen e plotë të shkaqeve të aksidentit.
Burime paraprake bëjnë me dije se lagështira në rrugë dyshohet të ketë qenë një nga faktorët që ka çuar në këtë përplasje.
