Filmi për Kosovën/ Enver Robelli: Deformim, paragjykim, propagandë, madje edhe racizëm!
Nga OraNews Përditësimi i fundit 17 Janar 2026, 18:35
Magazina gjermane “Kino-Zeit” vlerëson se Joachim Schroeder dhe Tobias Streck po tentojnë të bëjnë një film artistik mbi Kosovën dhe misionet paqeruajtëse pas luftës, por nuk po ia dalin. Përkundrazi, filmi i vitit 2018 rezulton paragjykues dhe propagandistik, duke deformuar historinë e luftës në Kosovë dhe përdorur klishe raciste: shqiptarët paraqiten si mizorë ndaj grave dhe serbëve, ndërkohë që krimet e Serbisë ndaj shqiptarëve injorohen.
Ngjarja vendoset në Kosovë, 1999, pas luftës. Personazhi kryesor, Anna Neubert, punonjëse e OSBE-së, fillon idealiste, por përballet me korrupsion, dhunë dhe intrigë. Filmi sugjeron se shqiptarët janë fajtorë për viktimat e luftës dhe shkatërrimin e Jugosllavisë, ndërsa personazhet gjermanë trajtohen me respekt dhe emër, kurse shqiptarët dhe serbët anonimizohen.
“Kino-Zeit” përfundon se filmi reflekton sjelljen hegjemoniste të Perëndimit ndaj Ballkanit, duke përdorur stereotipe dhe humor të dobët për të shërbyer si shembuj etnie dhe feje, më shumë sesa personazhe reale. Filmi duket si vazhdim i dokumentarit të ARD-së “Es begann mit einer Lüge” (2001), i cili gjithashtu deformonte ngjarjet e Kosovës.
