Juela drejt një histori dashurie në BBV? Ja si përgjigjet motra e saj...
Nga OraNews Përditësimi i fundit 9 Janar 2026, 08:04
Motra e Juelës, Juliana Nikolli, ka dhënë sot një intervistë për emisionin “Shqipëria Live”, ku ka folur për lojën e banores në “Big Brother VIP 5”, si dhe ka komentuar buqetën me lule që Seno i dhuroi asaj.
E motra tha se janë shumë krenarë për Juelën dhe sipas saj, forca e banores është fakti që ka zgjedhur të jetë vetvetja.
E pyetur nëse Juela mund të krijojë një lidhje dashurie brenda shtëpisë më të famshme në Shqipëri, ndërhyn Julian Deda që ishte i ftuar në studio dhe thotë “iku Seno, çu bë këtu” dhe duke qeshur Juliana shton “jam dakord me Julin”.
Si po ju duket Juela? Se kam përshtypjen ka nja një javë të mirë që është futur fuqishëm në lojë, është përplasur me Lore, pastaj pati këtë incidentin me Florin që i thoshte nuk të njoh kush je.
Ne jemi shumë krenarë për Juelën. Në fakt ditët e para që ka hyrë, ka qenë edhe shumë pa qejf fizikisht, normalisht publiku nuk e dinte. Ne jemi lumturuar shumë kur ajo ka treguar komplet karakterin e vet. Forca e saj, jo si motër, po flas si një publik me gjakftohtësi, forca e saj është se ka zgjedhur të mbetet gjithmonë vetvetja, pa u ulur në kompromise që mund të ishin në avantazh për të. Kjo e ka bërë më njerëzore, ka goxha respekt për veten e vet. Fatmirësisht disa herë edhe mirësia mund të fitojë, jo vetëm sherri, jo gjithmonë lufta.
A e sheh të krijojë Juela një marrëdhënie aty, e sheh të hapur?
Iku Seno, ça u bë këtu, do presim
Juela është shumë besnike, iku Senos, lulet e Senos nuk harrohen. Nuk besoj se do të krijojë marrëdhënie aty.
