VIDEO/ Lahuta në UNESCO, Tole: Gjithmonë e më pak praktikues të veglës, rapsodët në zhdukje
Nga OraNews Përditësimi i fundit 14 Dhjetor 2025, 11:27
Lahuta është shpallur zyrtarisht pjesë e Listës së Trashëgimisë Kulturore Jomateriale të UNESCO-s, një moment historik për identitetin kulturor shqiptar. Akademiku Vasil Tole thekson se ky vlerësim nuk është fundi i një rruge, por fillimi i një angazhimi të ri për ruajtjen, studimin dhe përcjelljen e lahutës te brezat e ardhshëm.
Lahuta, një nga instrumentet më të lashta dhe më simbolike të kulturës shqiptare, është shpallur zyrtarisht pjesë e Listës së Trashëgimisë Kulturore Jomateriale të UNESCO-s, duke shënuar një moment historik për identitetin dhe artin tradicional shqiptar.
Procesi i përgatitjes së dosjes së aplikimit ka qenë një punë disa vjeçare e një grupi të gjerë studiuesish, muzikologësh dhe institucionesh shtetërore. Një nga kontribuuesit kryesorë është akademiku Vasil Tole, i cili thekson se lahuta shkon përtej rolit të një instrumenti muzikor.
Akademiku Tole nënvizon se përfshirja e lahutës në listën e UNESCO-s nuk përfaqëson fundin e një rruge, por nisjen e një faze të re përgjegjësish për ruajtjen dhe transmetimin e saj.
Sipas tij, ky vendim pritet të rrisë vëmendjen dhe investimet për dokumentimin shkencor, mësimin nga të rinjtë dhe prezantimin e lahutës në nivel kombëtar dhe ndërkombëtar.
Me këtë arritje, Shqipëria shton edhe një tjetër pasuri të vyer në listën e UNESCO-s, duke forcuar më tej pozicionin e saj si një vend me trashëgimi të pasur kulturore dhe shpirtërore.
