Garda Revolucionare paralajmëron anijet amerikane në Gjirin Persik
Nga OraNews Përditësimi i fundit 4 Dhjetor 2025, 21:08
Garda Revolucionare ka paralajmëruar anijet amerikane që kanë qenë në Gjirin Persik për pesë muaj pas luftës me Izraelin. Garda Revolucionare filloi këtë të enjte ushtrime të rregullta në rajon.
Ata theksuan se forcat detare u dhanë paralajmërime anijeve amerikane në zonë, duke u dërguar atyre një mesazh të ashpër, megjithëse përmbajtja e mesazheve nuk u zbulua.
Garda Revolucionare gjithashtu zhvilloi sisteme të mbrojtjes ajrore të afta për të zbuluar objektiva ajrore dhe detare me ndihmën e inteligjencës artificiale.
Zëvendëskomandanti i Gardës, Ali Fadawi, tha të mërkurën se asnjë vend nuk mund ta kufizojë rolin e Ngushticës së Hormuzit dhe premtoi se Garda do ta mbrojë këtë rrugë detare.
Çdo vit, gati 20% e eksporteve globale të naftës kalojnë nëpër Gjirin Persik dhe Ngushticën strategjike të Hormuzit.
Garda ka sekuestruar vazhdimisht cisterna nafte me flamur të huaj që lundronin nëpër Gjirin Persik me akuzën e kontrabandës së karburantit.
Sulmi i papritur i Izraelit ndaj Iranit më 13 qershor shkaktoi një konflikt 12-ditor midis dy vendeve, gjatë të cilit SHBA-të goditën gjithashtu tre objekte të mëdha bërthamore iraniane.
Sulmet, të cilat vranë një mijë njerëz, përfshirë komandantë të lartë të Gardës, çuan në përgjigjen hakmarrëse të Iranit me sulme me dronë dhe raketa, duke lënë dhjetëra të vdekur.
