Psikologia që 'u martua' me Clooney: Është bërë virale pa dashur...
Nga OraNews Përditësimi i fundit 19 Nëntor 2025, 09:31
Psikologia Rudina Koromani, e ftuar në studion e lajmeve në “Ora News”, sqaroi zhurmën e krijuar pas albumit të fotove të gjeneruara nga inteligjenca artificiale, duke theksuar se gjithçka ishte thjesht humor dhe jo një strategji për famë apo promovim.
" Është bërë virale pa dashur. Nuk u nis për të bërë një postim viral, pra i studiuar me strategji, për të arritur në një trafik të caktuar, për një qëllim të caktuar të një produkti që unë bëj.
Unë jam psikologe, shërbimet e mia janë psikoterapia, pra unë nuk shes produkte, unë thjesht ofroj shërbime.
Unë vazhdimisht luaj me efektet e humorit, më pëlqen të bëj humor. Prej 5 vitesh unë nxjerr foto të tilla, që kur dolën aplikacionet 'ti përputhesh 100% me këtë person të njohur'.
Këto mi dërguan ndjekësit e mi, nuk i përgatita unë", u shpreh Koromani.
