Bashkimi Evropian feston 40 vjetorin e "Shengen"-it me bileta falas për të rinjtë
Nga OraNews Përditësimi i fundit 31 Tetor 2025, 08:09
Komisioni Evropian ka njoftuar një fazë të re të nismës së saj “DiscoverEU”, kushtuar 40-vjetorit të zonës Shengen dhe e cila do t’u japë 40,000 të rinjve mundësinë të udhëtojnë falas në të gjithë kontinentin.
Kjo u deklarua nga përfaqësuesja zyrtare e Bashkimit Evropian (BE) në Bruksel, Anna-Kaisa Itkonen.
Të rinjtë e lindur në vitin 2007 mund të aplikojnë duke plotësuar një test të shkurtër online rreth BE-së në Portalin Evropian të të Rinjve.
Fituesit jo vetëm që do të fitojnë bileta, por edhe karta zbritjeje për transport, akomodim, ushqim dhe ngjarje kulturore në 36 vende. Procesi i aplikimit do të vazhdojë deri më 13 nëntor.
