VIDEO/ U grumbullua për herë të parë me Kombëtaren, Gripshi vijon formën fantastike me gol në kampionat
Nga OraNews Përditësimi i fundit 19 Tetor 2025, 18:47
Nazmi Gripshi është në një formë të shkëlqyer në kampionatin kazak, ku ka realizuar një tjetër gol për Astanën në përballjen ndaj Aktobes.
Mesfushori i Kombëtares shqiptare shënoi në pjesën e parë, duke e çuar rezultatin në 4-2 në favor të ekipit të tij, i cili e mbylli pjesën e parë me avantazh.
Gripshi konfirmoi edhe një herë aftësinë e tij si specialist i penalltive, duke realizuar saktë nga pika e bardhë.
Ky ishte goli i 16-të për të në këtë edicion të kampionatit, një shifër që e vendos seriozisht në garë për “Këpucën e Artë” në Kazakistan.
Përveç golave, ai numëron edhe 6 asiste në 25 javë të luajtura deri tani.
Forma e tij e mirë nuk ka kaluar pa u vënë re edhe nga trajneri i Shqipërisë, Sylvinho, i cili e ftoi për herë të parë në Kombëtare gjatë muajit tetor.
Gripshi bëri debutimin me fanellën kuqezi në pjesën e dytë të miqësores ndaj Jordanisë.
View this post on Instagram
