Kombëtarja gati për ndeshjen me Serbinë, ekipi niset për në Nish
Nga OraNews Përditësimi i fundit 10 Tetor 2025, 13:04
Kombëtarja shqiptare është nisur para pak minutash për në Serbi. Saktësisht kuqezinjtë do të ndalojnë në Nish, aty ku do të akomodohen në një hotel.
Siç dihet Kombëtarja shqiptare ditën e nesërme do të luajë ndaj Serbisë, duel që do të startojë në orën 20:45 dhe do të zhvillohet në Leskovac.
Në orën 16.30 do të mbahet konferenca për shtyp dhe pas saj në orën 17.30 do të zhvillohet seanca e fundit stërvitore ne stadiumin Duboçiça ku do të zhvillohet ndeshja.
Ekipi i drejtuar nga Sylvinho do të luajë për “jetë a vdekje” ndaj Serbisë, ku vetëm fitorja do të mbante “gjallë”shpresat e ekipit tonë për një kualifikim të mundshëm në Kupën e Botës 2026.
