Merz: Ne supozojmë se Rusia qëndron pas shumicës së ndërhyrjeve me dron
Nga OraNews Përditësimi i fundit 5 Tetor 2025, 22:09
Kancelari gjerman Friedrich Merz tha se supozonte se Rusia qëndronte pas shumicës së dronëve të parë mbi Gjermani këtë fundjavë, përfshirë ato që prishën dhjetëra fluturime dhe lanë më shumë se 10,000 pasagjerë të bllokuar në aeroportin e Mynihut.
Ai shtoi se frekuenca e ndërhyrjeve të tilla në hapësirën ajrore evropiane ishte e pashembullt, madje edhe krahasuar me epokën e Luftës së Ftohtë, por deri më tani asnjë nga dronët e vërejtur nuk ishte i armatosur.
Të gjithë, tha ai, ishin në misione zbulimi.
“Supozimi ynë është se Rusia qëndron pas shumicës së këtyre fluturimeve me dronë”, tha Merz, sipas Reuters.
