Një në katër persona me HIV kanë simptoma të depresionit të moderuar ose të rëndë
Nga OraNews Përditësimi i fundit 26 Shtator 2025, 22:05
Çdo i katërti person që jeton me HIV shfaqi simptoma të depresionit të moderuar ose të rëndë, sipas një hulumtimi të publikuar sot nga Qendra Kombëtare për Shëndetin Seksual dhe Riprodhues.
Studimi thekson se HIV nuk është vetëm një përvojë mjekësore, por mbi të gjitha një përvojë emocionale që kërkon mbështetje të vazhdueshme.
Shoqata “Potent” raportoi gjithashtu se rreth 15% e të infektuarve vuajnë nga simptoma të forta ankthi, një në pesë persona ka pasur mendime vetëvrasëse gjatë muajit të kaluar, ndërsa 6% janë në rrezik të lartë për vetëvrasje.
Rezultatet e anketës me 310 persona treguan se mbi 90% e të pyeturve mendojnë se një psikolog duhet të jetë pjesë e përhershme e ekipeve në klinikat e sëmundjeve infektive.
Kreu i Departamentit të HIV dhe AIDS në Klinikën për Sëmundjet Infektive dhe Tropikale në Qendrën Klinike të Serbisë, Jovan Ranin, paralajmëroi se ndalimi i epidemisë lidhet drejtpërdrejt me zgjidhjen e problemit të stigmës, e cila shpesh pengon testimin dhe trajtimin e rregullt.
Me mbështetjen e Bashkimit Evropian dhe Fondacionit Trag, Shoqata “Potent” ofron çdo ditë testime falas dhe anonime për HIV dhe infeksione të tjera seksualisht të transmetueshme në Beograd, Nish dhe Kragujevac.
Këtë vit është lançuar edhe fushata ndërgjegjësuese “HIV dhe i shëndetshëm”, me synim të tregojë se njerëzit që jetojnë me HIV mund të kenë një jetë të plotë, të shëndetshme dhe pa stigmatizim.
