Pushime për çiftin! Princ Leka ndan një FOTO me Blertën nga udhëtimi i tyre
Nga OraNews Përditësimi i fundit 22 Shtator 2025, 07:35
Princ Leka ka zgjedhur të ndajë një moment të veçantë me ndjekësit e tij në rrjete sociale. Ai ka postuar një selfie pranë Blertës, teksa çifti shfaqet i buzëqeshur dhe i relaksuar.
Fotoja është realizuar në ambientet e njohura të Galleria Vittorio Emanuele II në Milano, një prej vendeve më ikonike dhe turistike të qytetit italian. Në sfond bie në sy kupola madhështore prej xhami, që i jep fotos një atmosferë elegante dhe romantike.
Postimi i Princ Lekës ka tërhequr vëmendjen e ndjekësve.
Kujtojmë se Gjykata e Tiranës e ka dënuar Princ Leka Zogun me 1 vit burg për akuzën e “Dhunës në familje”. Megjithatë, për shkak të përdorimit të gjykimit të shkurtuar, dënimi është zvogëluar në 8 muaj dhe është vendosur pezullimi i ekzekutimit për 16 muaj shërbim prove.
Gjykata ka dhënë gjithashtu dënim me 10 muaj burg për Gjergj Zaharinë, babanë e Elias, i cili gjithashtu ka përfituar nga gjykimi i shkurtuar, duke ulur dënimin në 6 muaj dhe 20 ditë, ndërsa dënimi është pezulluar për 1 vit e 40 ditë me kusht. Për Elia Zaharinë, gjykata shpalli pafajësi, duke vlerësuar se veprimi i saj nuk përbën vepër penale. Ngjarja e ndodhur në muajin mars 2024, në Pallatin Mbretëror, ka sjellë këto vendime pas një hetimi dhe gjykimi të shpejtë, në kuadër të procedurës së gjykimit të shkurtuar.
