Ceferin: Situata në Gaza më dhemb, nuk mund të ndalojmë Izraelin të luajë, sporti na bashkon
Nga OraNews Përditësimi i fundit 4 Shtator 2025, 15:42
Presidenti i UEFA-s, Alexander Ceferin, tha se ndalimi i ekipeve ruse nuk bëri asgjë për t’i dhënë fund luftës në Ukrainë dhe se ai gjithashtu kundërshton ndalimin e atletëve izraelitë për luftën në Gaza, edhe pse gjakderdhja “po më dhemb, po më vret”, shkruan adnkronos.it.
Ceferin në një intervistë të botuar sot, theksoi se ”politikanët duhet të bëjnë më shumë për të ndaluar këto luftëra”.
“Nuk mund ta kuptoj se si një politikan që mund të bëjë shumë për të ndaluar masakrën, kudo, mund të bjerë në gjumë duke parë të gjithë ata fëmijë dhe të gjithë ata civilë të vdekur. Nuk e kuptoj. A ekziston ndonjë ide se futbolli duhet t’i zgjidhë këto probleme? Absolutisht jo”, theksoi ai.
Ekipet ruse u ndaluan nga garat ndërkombëtare menjëherë pas fillimit të luftës në Ukrainë në vitin 2022 nga UEFA dhe FIFA, organi drejtues botëror. Një përpjekje e UEFA-s për të rikthyer ekipet ruse nën 17 vjeç u pezullua pas një kryengritjeje politike.
“Për mua, sporti duhet të përpiqet të udhëheqë, jo duke i ndaluar atletët të garojnë. Por për të qenë i sinqertë, edhe një herë, me luftën Rusi-Ukrainë, patëm një reagim politik pothuajse histerik”, tha ai, duke shtuar se zyrtarët e UEFA-s ishin nën presion të fortë politik.
“Ajo që po u ndodh civilëve atje më dhemb personalisht, më vret. Është e pamundur t’i shoh më këto gjëra. Nga ana tjetër, unë nuk jam mbështetës i ndalimit të atletëve. Sepse çfarë mund t’i bëjë një atlet qeverisë së tij për të ndaluar luftën? Është shumë, shumë e vështirë”, shtoi ai.
