Zjarr i madh përfshin masivin pyjor në Skuraj, kërkohet ndërhyrje nga ajri
Nga OraNews Përditësimi i fundit 11 Korrik 2025, 18:13
Një zjarr i përmasave të mëdha ka shpërthyer gjatë pasdites së kësaj të premteje në masivin pyjor të zonës së Skurajve në Kurbin.
Sipas informacioneve nga vendi i ngjarjes, situata është e komplikuar për shkak të erës dhe terrenit të vështirë, duke e bërë të vështirë shuarjen e flakëve.
Emergjencat civile kanë kërkuar ndërhyrje nga ajri për të mundësuar vënien e flakëve nën kontroll.
Aktualisht, nuk ka informacione nëse banesat e zonës janë në rrezik.
Autoritetet po ndjekin nga afër situatën dhe po koordinohen me forcat e shpëtimit.
