VIDEO/ Arrestohet me qëllim ekstradimin në Itali, 40-vjeçari i rrezikshëm me 2 mbiemra. Ja akuzat ndaj tij!
Nga OraNews Përditësimi i fundit 28 Qershor 2025, 11:25
Policia e Shtetit njofton se në bashkëpunim me partnerët italianë dhe me koordinimin e rrjetit ENFAST, Drejtoria e Forcës së Posaçme Operacionale finalizoi operacionin policor të koduar “Operacionalja 50”.
Gjatë operacionit u kap në Dibër, shtetasi i shpallur në kërkim ndërkombëtar, Emrulla Tomja alias Emrulla Elezi. 40 vjeç.
"Akuzohet se ka trafikuar në Itali, lëndë narkotike, arrestohet me qëllim ekstradimin, 40-vjeçari.
Gjatë operacionit “Operacionalja 50”, si rezultat i koordinimit të punës, nëpërmjet rrjetit ENFAST, me Policinë italiane, Drejtoria e Forcëa së Posaçme Operacionale kapi në Dibër, shtetasin e shpallur në kërkim ndërkombëtar, E. T. alias E. E., 40 vjeç.
Gjykata në L’Aquila i ka caktuar këtij shtetasi, masë sigurie “Arrest në burg”, për veprën penale “Trafikimi i lëndëve narkotike”, për të cilën Kodi Penal italian parashikon dënim mbi 4 vjet burgim.
Vijon bashkëpunimi për të finalizuar ekstradimin e 40-vjeçarit, në Itali", njofton Policia e Shtetit.
