VIDEO/ Rrëzohet avioni në jugperëndim të Parisit, humbin jetën tre persona

Nga OraNews Përditësimi i fundit 27 Qershor 2025, 20:12

Një avion i vogël, në pronësi të një klubi lokal fluturimi, u rrëzua në qytetin Champollion, pranë Chartres, në Francën qendrore, duke shkaktuar vdekjen e tre personave që ndodheshin në bord.

Sipas prefekturës së Chartres, e cila ndodhet rreth 90 kilometra në jugperëndim të Parisit, avioni u rrëzua në një zonë banimi, por fatmirësisht nuk goditi asnjë shtëpi.

Dëmi i vetëm material u shkaktua në një automjet të parkuar.

Viktimat janë dy burra dhe një grua, por identiteti dhe mosha e tyre nuk janë bërë ende të ditura.

Avioni i përkiste klubit të fluturimit të Aeroportit Metropolitan të Chartres.