Duhej të ishte në 'arrest shtëpie', shqiptari plag*s rëndë me gërshë*ë berberin
Nga OraNews Përditësimi i fundit 26 Maj 2025, 18:15
Ndalohet nga karabinierët në Tor Sapienza një 29-vjeçar shqiptar, i akuzuar për sulmin me gërshërë ndaj një berberi 24-vjeçar, gjatë një grindjeje të ndodhur më 20 maj në një berberhane në rrugën Filippo Parlatore, në lagjen Centocelle.
I plagosuri, një i ri indian, u godit në qafë dhe më pas u transportua në gjendje të rëndë në spitalin Policlinico Umberto I, ku është ende i shtruar, por nuk është në rrezik për jetën.
Sipas rindërtimit të ngjarjes nga karabinierët e stacioneve Roma Centocelle, Alessandrina dhe Cinecittà, agresori, pa banesë dhe me precedentë penalë, ishte përfshirë në një grindje për motive të kota me berberin.
Pasi kapi një palë gërshërë, e plagosi atë dhe u arratis në këmbë.
Falë analizës së pamjeve të kamerave të sigurisë dhe kontrolleve në bazat e të dhënave, karabinierët arritën ta identifikonin brenda pak orësh.
29-vjeçari u gjurmua dhe u ndalua në mëngjesin e së dielës, më 25 maj, brenda parkut Prampolini, në rrugën Camillo Prampolini.
Përveç ndalimit për tentativë vrasjeje, ndaj tij rëndonte edhe një urdhër arresti i lëshuar më 18 prill nga Gjykata e Mbikëqyrjes së Romës, pas arratisjes nga arresti shtëpiak në Guidonia, ku po mbahej për krime të lidhura me drogën, falsifikim dhe rezistencë ndaj një zyrtari publik.
Ai u dërgua në burgun e Rebibbias. Arrestimi u konfirmua nga Gjykata.
