Kourtney Kardashian dhe Travis Barker festojnë përvjetorin e tyre të tretë
Nga OraNews Përditësimi i fundit 25 Maj 2025, 08:54
Kourtney Kardashian dhe Travis Barker festojnë së fundmi përvjetorin e tyre të martesës .
Çifti u martua në vitin 2022 në një ceremoni mbresëlënëse në Portofino të Italisë, konkretisht në kështjellën “Castello Brown”, e cila daton që nga shekulli i 16-të.
Dasma e tyre u zhvillua në një rreth të ngushtë, larg vëmendjes së publikut.
Në fakt, të ftuarit filluan të postonin fotografi në mediat sociale vetëm pasi dasma kishte përfunduar. Megjithatë, shumë foto nga ajo ditë kanë mbetur të pabotuara deri më sot.
Me rastin e përvjetorit të tyre, Kourtney Kardashian publikoi disa foto për herë të parë në llogarinë e saj personale në Instagram.
Në to shihen momente nga dasma, si dhe kështjella ku u zhvillua.
Në mbishkrimin që shoqëronte postimin e saj, personaliteti televiziv shkroi për Travis Barker: “Dreq, e dua këtë burrë”, me muzikantin që i përgjigjet asaj në komentet poshtë postimit të saj, duke shkruar: “Të dua më shumë”.
Çifti e filloi lidhjen e tyre në vitin 2021, pas shumë vitesh miqësi.
Në nëntor të vitit 2023, Kourtney Kardashian lindi fëmijën e saj të parë me bateristin e Blink-182. Ky është fëmija i katërt i Kourtney Kardashian.
