Luftimet në Gaza, sulm në stacionin e policisë, 10 viktima dhe dhjetëra të pl*gosur

Nga OraNews Përditësimi i fundit 24 Prill 2025, 14:20

Një sulm ajror izraelit goditi një stacion policie në Jabalia, duke vrarë të paktën 10 persona dhe plagosur dhjetëra të tjerë. Ushtria izraelite tha se sulmi ishte drejtuar kundër një qendre komandimi të Hamasit dhe Xhihadit Islamik. Ky sulm vjen pas një vale të vazhdueshme të bombardimeve izraelite që kanë shkaktuar më shumë se 1,900 viktima palestineze që nga marsi.

Një sulm ajror nga ushtria izraelite ka goditur një stacion policie në Jabalia, një qytet në veriun e Rripit të Gazës, duke shkaktuar të paktën 10 viktima.

Incidenti ndodhi të enjten dhe u konfirmua nga autoritetet lokale shëndetësore, të cilat raportuan dhjetëra të plagosur, ndërsa identiteti i viktimave nuk është bërë ende i ditur.

Stacioni i policisë, i vendosur afër një tregu, u godit nga dy raketa të lëshuara nga avionët izraelitë.

Ushtria izraelite ka deklaruar se sulmi kishte si objektiv një qendër komandimi të Hamasit dhe grupeve të Xhihadit Islamik, të cilat, sipas saj, përdornin këtë vend për të planifikuar dhe realizuar sulme kundër forcave izraelite.

Në deklaratën e ushtrisë thuhet se grupet militante po shfrytëzonin civilët dhe vendet civile për qëllime ushtarake, një akuzë që Hamasi dhe grupet e tjera militante palestineze e mohojnë.

Ky sulm është pjesë e një vale të mëtejshme sulmesh izraelite që kanë goditur Gaza që nga shfuqizimi i armëpushimit më 18 mars, kur janë vrarë më shumë se 1,900 palestinezë, shumica e të cilëve civilë.

Përpjekjet e ndërmjetësve arabë, përfshirë Katarin dhe Egjiptin, të mbështetur nga Shtetet e Bashkuara, deri tani kanë dështuar të arrijnë një pajtim mes Izraelit dhe Hamasit.

Konflikti ka shkaktuar pasoja tragjike, ndërsa rreth qindra mijëra palestinezë janë zhvendosur pas ofensivës izraelite në Gaza.