Sekretari amerikan i Tregtisë: Tarifa të veçanta do të vendosen pas një muaji edhe për pajisjet elektronike!
Nga OraNews Përditësimi i fundit 14 Prill 2025, 06:35
Sekretari amerikan i Tregtisë, Howard Lutnick tha sot në një intervistë për "This Week" të ABC se telefonat inteligjentë, kompjuterët dhe disa pajisje të tjera elektronike do të përfshihen në një nivel të veçantë tarifash, së bashku me çipet.
Këto tarifa mund të vendosen pas rreth një muaji. Administrata e Presidentit Donald Trump të premten i përjashtoi këto produkte nga tarifat e larta. Këto produkte importohen kryesisht nga Kina, duke lehtësuar ndjeshëm kompanitë teknologjike, si Apple, që mbështeten në produktet e importuara.
