Superiorja/ Bylis triumfon ndaj Vllaznisë, Skënderbeu thyen Laçin

Nga OraNews Përditësimi i fundit 6 Prill 2025, 21:26

Gara për mbijetesë sa vjen dhe bëhet më interesante në Kategorinë Superiore. Bylis mori një fitore jetike, pasi mposhti minimalisht 1-0 në shtëpi Vllazninë.

Ballshiotët iu falën golit të shënuar nga Victor Da Silva, për të marrë 3 pikë të arta.

Shkodranët luajtën me 10 lojtarë nga minuta e 24-t, pasi Melos Bajrami u ndëshkua me karton të kuq.

Me këtë sukses, Bylis ngjitet në vendin e shtatë me 36 pikë, ndërsa Vllaznia duket në një krizë rezultatesh dhe mban vendin e tretë me 52 pikë.

Fitore Skënderbeu triumfoi 2-1 në transfertë ndaj Laçit, në një “finale” për mbijetesën.

Dopieta e shënuar nga sulmuesi Bismark, i dha triumfin juglindorëve, ndërsa për kurbinasit, golin e vetëm e shënoi William Cordeiro Melo.

Skënderbeu renditet në vendin e gjashtë me 36 pikë, ndërsa Laçi zbret i parafundit me 33 pikë.