Ylli hollivudian po luan për filmin "Robin Hood&" Hugh Jackman bën transformimin drastik për xhirime
Nga OraNews Përditësimi i fundit 28 Mars 2025, 12:51
Profesioni i aktrimit ka kërkesa të shumta, duke përfshirë ndryshime të vazhdueshme në pamjen e jashtme për nevojat e një roli. Një shembull tipik është Hugh Jackman, i cili ka eksperimentuar shumë herë me look-un e tij për filmat ku ka luajtur, si për shembull Wolverine.
Këtë herë, megjithatë, Hugh Jackman është i detyruar të transformohet për të mishëruar një tjetër hero. Madje, aktori 56-vjeçar ka ndarë një video të procesit me miqtë e tij online në rrjetet sociale.
Në videon që ka postuar në llogarinë personale në Instagram, ylli i Hollivudit shihet i ulur në një karrige në dhomën e zhveshjes, ndërsa për transformimin e tij kujdeset ekipi i grimit. Në fakt, në mbishkrimin shoqërues të postimit të tij, Hugh Jackman zbuloi se këto ndryshime janë për shkak të rolit të tij në filmin e ardhshëm “Robin Hood”.
Më konkretisht ai shkruan: Ka një thellësi, një shoqëri dhe një frymë në të gjithë kastin dhe ekipin e "Robin Hood". Faleminderit për këtë përvojë të mrekullueshme. Është një nder dhe një privilegj. Faleminderit Irlandë!!! Bukuria juaj nuk ka kufi."
Në të njëjtin postim, aktori ka publikuar edhe një sërë fotosh nga peizazhe të ndryshme që ka vizituar në Irlandë, ku edhe është filmuar filmi.
