VIDEO/ Selena Gomez merr surprizë të pazakontë për Shën Valentin, fansat e kritikojnë: Të neveritshëm
Nga OraNews Përditësimi i fundit 15 Shkurt 2025, 19:59
I fejuari i Selena Gomez, Benny Blanco, është bërë objekt i kritikave pas një surprize të pazakontë për ditën e Shën Valentinit.
Në vend të një mjedisi romantik me petale trëndafilash, ai krijoi një shteg me nachos që çonte drejt tualetit, ku kishte formuar me to mesazhin “Të dua”.
Një tjetër element i çuditshëm ishte kur Selena u përball me një vaskë të mbushur me djathë nacho-s, ku një tas i madh me patatina ishte vendosur për t’u zhytur në të.
Në një video të postuar nga Benny, ai shihej duke shijuar ushqimin nga vaska, një moment që shkaktoi reagime të shumta në rrjetet sociale.
Disa fansa e përshkruan veprimin si “të neveritshëm”, “të pakuptimtë” dhe si një tentativë për të tërhequr vëmendjen.
Komentet ironike u pasuan, me disa që shprehën shqetësim për higjienën dhe të tjerë që e konsideruan këtë veprim si një zgjedhje romantike të dyshimtë.
Megjithatë, pavarësisht reagimeve, Selena dhe Benny nuk duket se janë prekur.
Çifti, që u fejuan në dhjetor të vitit të kaluar, vazhdojnë të shijojnë lidhjen e tyre dhe kanë njoftuar së fundmi një projekt muzikor të përbashkët.
View this post on Instagram
