Arrestimi i Metës/ Renzi: Pamje nuk japin kuptimin e shtetit të së drejtës, nuk i bëjnë mirë çështjes shqiptare në Europë
Nga OraNews Përditësimi i fundit 17 Janar 2025, 21:11
Ish-kryeministri italian, Matteo Renzi, komentoi sot edhe pamjet e arrestimit të kreut të PL-së Ilir Meta. Në një intervistë për Syri Tv, Renzi tha se pamjet nuk japin kuptimin e shtetit të së drejtës.
Ai shtoi se nuk e beson se pamjet e atij arrestimi në atë mënyrë, të jenë pamje që i bëjnë mirë çështjes shqiptare në Europë.
“Ato pamje, për këdo të futet në BE, jo vetëm nuk ndihmojnë, por edhe nuk japin kuptimin e shtetit të së drejtës. Nëse dikush ka gabuar, është e drejtë që të paguajë, kush ka paguar, këtë e vendos gjykata. Nuk e besoj se pamjet e atij arrestimi në atë mënyrë, të jenë pamje që i bëjnë mirë çështjes shqiptare në Europë. Madje mendoj se nuk i bëjnë aspak mirë,” tha ai.
