Parlamenti bullgar miraton qeverinë e re
Nga OraNews Përditësimi i fundit 16 Janar 2025, 15:05
Qeveria e re bullgare u aprovua nga parlamenti. Me 125 vota pro, 114 kundër dhe asnjë abstenim ish-kryetari i parlamentit Rosen Zhelyazkov do të drejtojë tashmë kabinetin qeveritar.
Partia e qendrës së djathtë GERB fitoi zgjedhjet e parakohshme në tetor, të shtatat e mbajtura në shtetin ballkanik në katër vjet, por i është dashur të zhvillojë bisedime të ashpra me partitë e tjera politike për më shumë se dy muaj për të formuar një qeveri.
Zhelyazkov, i propozuar si kryeministër nga grupi më i madh parlamentar GERB-SDS, mori një mandat nga presidenti Rumen Radev të mërkurën për të formuar një qeveri.
Pas betimit, Kryeministri i ri mbajti një fjalim ku kërkoi bashkëpunim.
“Bullgaria ka nevojë për një qeveri të rregullt që do të zbatojë politika që mbështesin shtetin demokratik të ligjit, konkurrencën e ekonomisë, sigurinë dhe mbrojtjen e të drejtave sociale të qytetarëve”, i tha Zhelyazkov parlamentit.
Planet e Bullgarisë për t'u bashkuar me eurozonën janë shtyrë dy herë për shkak të objektivave të humbur të inflacionit.
Zhelyazkov u zotua të mërkurën se qeveria e tij do të ndihmojë vendin që të hyjë në bllokun e monedhës së vetme.
