“Po lutemi që çdo gjë të shkojë mirë”, gjendja kritike e Janullatos, zv.kryeministrja Balluku shkon spital për ta vizituar
Nga OraNews Përditësimi i fundit 12 Janar 2025, 12:26
Gjendja shëndetësore e kryepeshkopit të Shqipërisë Anastas Janullatos vazhdon të jetë kritike, por stabël.
Përpara pak ditësh, ai kreu një operacion në një spital në Athinë, me mjekët që i hoqën pjesën e hemorragjisë, teksa më pas është vënë në intubim.
Zv.kryeministrja Belinda Balluku ka shkuar për ta vizituar dhe për të ndjekur nga afër gjendjen e tij.
“Po lutemi që çdo gjë të shkojë mirë”, tha ndër të tjera Balluku.
Në këto ditë të vështira për shëndetin e Kryepiskopit Anastas, Primatët e Kishave Orthodhokse në mbarë botën, Episkopë, klerikë, besimtarë të shumtë kanë dërguar letra ku luten nxehtësisht për shëndetin e Fortlumturisë së Tij Kryepiskopit Anastas.
