Në krye të listës së transferimeve, klubi i Serisë A kërkon me ngulm Edon Zhegrovën
Nga OraNews Përditësimi i fundit 9 Janar 2025, 09:09
Edon Zhegrova është përsëri në qendër të vëmendjes nga klubet e mëdha evropiane, të cilat duan shërbimet e yllit kosovar.
Sipas gazetarit italian, Fabrizio Romano, skuadra e Napolit është interesuar për transferimin e Zhegrovës.
Madje skuadra italiane gjatë kësaj jave ka pasur bisedime me Lilën për futbollistin e Kosovës.
Megjithatë, bëhet me dije se Lila ka refuzuar të negociojë transferimin e 25-vjeçarit, në markaton e janarit.
Raportohet se Napoli e vlerëson lart Zhegrovën, duke e venë në krye të listës së transferimeve.
Gjasat janë të mëdha që palët të gjejnë gjuhën e përbashkët në merkaton e verës.
