Presidencialet, flet nga SHBA gazetari Ndrenika: Trump ishte para Biden, është para Harris-it. Tre çështjet që s’e thyen dot në fushatë
Nga Anila Zyberaj Përditësimi i fundit 5 Nëntor 2024, 13:12
Miliona amerikanë votojnë në 5 nëntor jo vetëm për Presidentin e SHBA, por edhe për Dhomën, ndërsa vëzhguesit politikë të të gjitha sferave po shikojnë me ankth se cila parti do të ketë shumicën në Kongresin e ardhshëm.
Për të kuptuar më shumë se ç’po ndodh në këto orë të fundit, gazetari shqiptar, Denion Ndrenika në një lidhje me skype nga SHBA-të theksoi për “Ora Neës” se z. Trump ka qenë në epërsi si ndaj Presidentit Biden, ashtu edhe ndaj zonjës Harris.
“Dy pikat kryesore të fushatës së z. Trump që i ka dhënë pikë të forta gjatë fushatës, ekonomia dhe çështja e emigrantëve, nuk janë cenuar nga zonja Harris.
Dhe këto dy pika që janë tejet të larta dhe nuk është mposhtur nga zonja Harris. Dhe pika tjetër, dy atentatet për eliminimin fizik të tij e kanë rritur figurën e tij para opinionin publik”, u shpreh ndër të tjera, gazetari Denion Ndrenika.
NDIQNI INTERVISTËN E PLOTË ME GAZETARIN DENION NDRENIKA
