Gjethet e Kokës/ Rritet kultivimi në sipërfaqe të mbjella. OKB: niveli më i lartë në dy dekada

Nga Siklajda Shorja Përditësimi i fundit 19 Tetor 2024, 11:38

Toka kolumbiane e dedikuar për kultivimin e gjetheve të kokainës, një përbërës i papërpunuar për kokainën, u rrit me 10% vitin e kaluar duke arritur sipërfaqen më të madhe në më shumë se dy dekada.

Sipas një raporti të zyrës së Kombeve të Bashkuara për Drogën dhe Krimin, rreth 253,000 hektarë u mbollën me gjethe koka në vitin 2023, nga 230,000 në 2022.

Kultivimi në shkallë të vogël i gjetheve të kokas, i cili tradicionalisht përdoret si kundërhelm, është i ligjshëm për disa komunitete indigjene në Kolumbi.

Sipas raportit, zgjerimi ishte kryesisht në jugperëndim të Cauca dhe Narino, ndërsa mbeti relativisht i qëndrueshëm në të gjithë pjesën tjetër të vendit.

"Rritja prej 10% e kultivimit është në zonat më produktive të vendit dhe kjo ka një ndikim shumë të rëndësishëm në prodhimin e mundshëm" të kokainës, tha në një konferencë për shtyp përfaqësuesja rajonale e zyrës së Kombeve të Bashkuara, Candice Welsch.

Ëelsch tha se plantacionet ishin kryesisht dy ose katër vjeçare, duke i bërë ato më produktive se fermat e vjetra.

Zonat më të përqendruara të prodhimit të gjetheve të kokës ishin në zonat ku veprojnë grupet guerile të majta dhe bandat kriminale të themeluara nga ish-paraushtarakët e ekstremit të djathtë.

Autoritetet kolumbiane kanë luftuar për dekada për të reduktuar trafikun e drogës, por vendi mbetet një nga prodhuesit kryesorë të kokainës në botë. Shtetet e Bashkuara i kanë bërë presion vendit për të reduktuar kultivimin e gjetheve të kokas.

Presidenti Gustavo Petro, presidenti i parë majtist i kombit të Amerikës së Jugut, ka propozuar një ndryshim nga ajo që ai e përshkruan si një strategji e dështuar ushtarake kundër narkotikëve drejt njohjes së përdorimit të drogës si një problem i shëndetit publik.

Prodhimi i kokainës në Kolumbi, i vendosur në mënyrë strategjike midis oqeanit Atlantik dhe Paqësor, kontrollohet nga grupe të armatosura dhe shumë e konsiderojnë atë si nxitjen e një konflikti të brendshëm gati gjashtë dekadash që ka vrarë mbi 450,000 njerëz.