FOTO/ Aksident i rëndë në Gjermani, përplasen dy autobusë, 50 të plagosur

Nga OraNews Përditësimi i fundit 9 Tetor 2024, 10:36

Rreth 50 persona u lënduan pasi dy autobusë u përplasën në qytetin gjerman të Regensburg të hënën.

Një zëdhënës i policisë tha se 13 persona janë lënduar rëndë, por nuk janë në rrezik për jetën.

Aksidenti ndodhi në urën Nibelungen mbi lumin Danub dhe autoritetet janë ende duke hetuar shkakun e aksidentit, tha zëdhënësi.

Përafërsisht 30 personel policie, 110 zjarrfikës, 170 punonjës të shpëtimit dhe një helikopter shpëtimi shkuan në vendngjarje, shtoi ai.

Një autobus u rrëzua gjithashtu në qytetin lindor gjerman të Dresdenit të hënën.

Sipas zjarrfikësve, 30 persona kanë mbetur të plagosur, dy prej tyre në gjendje të rëndë.