VIDEO/ Skëndërbeu gjunjëzohet në fund, Dinamo rrëmben fitoren në minutat e fundit në “Elbasan Arena”
Nga OraNews Përditësimi i fundit 16 Shtator 2024, 21:02
Dinamo ka triumfuar në fund ndaj Skënderbeut në sfidën që u zhvillua në Elbasan në kuadër të javës së 5-të të Kategorisë Superiore.
“Blutë” realizuan një gol të shpejtë në minutën e 6-të me anë të Baton Zabergja-s.
Meksi del mirë në të djathtën, pasimi i tij në qendër shkon te Zabërgja i cili gjuan dhe kalon ekipin në avantazh.
Dinamo e mbylli në avantazh 1-0 pjesën e parë përballë Skënderbeut.
Por avantazhi i skuadrës së Ilir Dajës mund të kishte qenë më i thellë teksa Lorenco Vila shpërdoroi një rast të artë.
Kundërsulm i rrufeshëm i sulmuesit durrsak i cili shmang një mbrojtës e pastaj edhe portierin Alia. Megjithatë, finalizimi lë për të dëshiruar pasi gjuajtja e tij nuk gjen portën e boshatisur.
Ndërkaq korçarët kanë arritur të shënojnë falë një 11-metërshi të kthyer në gol nga Ermir Rashica në fillimin e pjesës së dytë.
Nikaj niset i vetëm drejt portës, shmang Salin dhe pastaj rrëzohet pas një kontakti me Muzek.
Gjyqtarja Rusta i jep të verdhë Nikajt për simulim, teksa më pas ftohet nga VAR të shohë pamjet.
Në fund jep penallti dhe i heq kartonin e verdhë Nikajt, ndërsa nga pika e bardhë Rashica nuk gabon.
Ndërsa në fund do të ishin sërish dinamovitët që do të kalonin në avantazh.
