VIDEO/ "Zonja me mace dhe pa fëmijë"/ Shakaja e Selena Gomez ndaj komentit famëkeq të JD Vance bëhet virale

Nga OraNews Përditësimi i fundit 16 Shtator 2024, 14:01

Nga shakatë e "zonjës me mace dhe pa fëmijë" deri te thirrjet për të votuar, zgjedhjet e ardhshme presidenciale në SHBA u bënë temë diskutimi në Emmy Awards të këtij viti. Pas miratimit publik të Taylor Swift për Kamala Harris, ku ‘tallte’ komentin tashmë famëkeq të kandidatit republikan për nënpresident JD Vance, edhe Selena Gomez e Candice Bergen bënë shaka për këtë në skenën e Emmys.

Gomez, duke ndarë skenën me aktorët e saj të serialit "Only Murders In The Building", Martin Short dhe Steve Martin, prezantoi çmimin e parë të mbrëmjes.

"Më lejoni të them se çfarë nderi është të punosh me dy djem që janë kaq larg nga të qenit zonja me mace dhe pa fëmijë" tha me shaka 32-vjeçarja.

Ylli i ‘Bear’ Ebon Moss-Bachrach, i cili mori një çmim për aktorin dytësor nga treshja, falënderoi prindërit e tij gjatë fjalimit të pranimit, duke thënë: Ata po kujdesen kaq mirë për macen time.

Vance është përballur me kritika për komentet e tij në një intervistë të vitit 2021 në Fox News, në të cilën ai tha se Partia Demokratike drejtohej "nga një tufë zonjash macesh pa fëmijë".