Balerina ruso-amerikane Ksenia Karelina dënohet me 12 vjet burg pasi dhuroi 51,80 dollarë për ushtrinë ukrainase

Nga OraNews Përditësimi i fundit 16 Gusht 2024, 15:16

Balerina ruso-amerikane – e akuzuar për tradhti – pasi dhuroi 51,80 dollarë për ushtrinë ukrainase – është dënuar me 12 vjet burg, sipas të përditshmes britanike “Daily Mail”.

Ksenia Karelina, 33 vjeç, u dënua sot me 12 vjet burgim – pasi u deklarua fajtore për akuzat për “tradhti të lartë” javën e kaluar.

Karelina, e cila ka lindur në Rusi dhe ka marrë nënshtetësinë amerikane pasi u martua me një amerikan dhe u transferua në Los Anxhelos, u arrestua në Yekaterinburg në shkurt.

Ajo ishte kthyer në atdheun e saj për të vizituar të afërmit. Kur ajo mbërriti në aeroportin e Koltsovo në fund të janarit, zyrtarët e zbatimit të ligjit kontrolluan telefonin e saj celular duke përdorur fjalën e kërkimit “Ukrainë”.

Dyshohet se ata gjetën prova të një transferimi bankar në një fondacion pro-ukrainas në Amerikë. Më vonë ajo u arrestua dhe u akuzua për tradhti. “Karelina u deklarua fajtore javën e kaluar”, thanë raportet e lajmeve.

“Gjykata e shpalli Ksenia Karelina fajtore për tradhti të lartë dhe e dënoi me 12 vjet burgim”, tha dje Gjykata Rajonale e Sverdlovsk në qytetin Urals të Yekaterinburgut.

Karelina qëndroi në një kabinë xhami të të pandehurit – ndërsa lexohej vendimi. Hetuesit zbuluan se Karelina më 24 shkurt 2022 – ditën e parë të pushtimit rus të Ukrainës – kishte dhuruar para për një organizatë që mbështet përpjekjet e luftës në Ukrainë.

Shërbimi Federal i Sigurisë i Rusisë tha se ajo kishte transferoi fonde në interes të një organizate ukrainase, të cilat u përdorën më pas për blerjen e artikujve mjekësorë, pajisjeve dhe municioneve nga Forcat e Armatosura të Ukrainës.

Mbështetësit e saj thonë se ajo kishte dhuruar 51,80 dollarë për “Razom” për Ukrainën – një organizatë bamirëse me qendër në Nju Jork – që ofron ndihma humanitare për fëmijët dhe të moshuarit në Ukrainë.

Organizata bamirëse ka mohuar se ofron mbështetje ushtarake për Kievin.

Banorja e Los Anxhelosit – u deklarua fajtore në gjyqin e saj të mbyllur në qytetin Urals të Yekaterinburgut –  ku çështja e saj u dëgjua nga e njëjta gjykatë që dënoi gazetarin e “Wall Street Journal” Evan Gershkovich për spiunazh në korrik.