Arrestohet Travis Scott/ Reperi 33-vjeçari sulmoi një roje sigurie në hotelin ku qëndronte
Nga Katerina Hysenllari Përditësimi i fundit 9 Gusht 2024, 13:58
Ylli i hip hop Travis Scott u arrestua në një hotel në Paris pas një konfrontimi fizik me një roje sigurie. Ky i fundit po përpiqej të ndalonte një incident të artistit me truprojën që e shoqëronte.
Reperi Travis Scott është arrestuar në Paris pas një incidenti me truprojën e tij. Ylli 33-vjeçar i SHBA-së dyshohet se ka sulmuar një nga rojet e sigurisë në hotelin ku qëndronte të premten në mëngjes.
Roja i sigurisë ishte përpjekur të ndalonte një sherr mes reperit dhe truprojës së tij, thanë prokurorët.
Ata kanë hapur një hetim penal për "dhunë të pamotivuar" kundër rojes. Disa media franceze kishin raportuar se Scott ishte i dehur.
Të enjten në mbrëmje, zoti Scott, emri i vërtetë i të cilit është Jacques Bermon Webster, u fotografua në ndeshjen olimpike të basketbollit të Team USA kundër Serbisë.
Nuk është hera e parë që Scott përfshihet në një ngjarje të tillë. Në fillim të këtij viti, Scott u arrestua në Miami në lidhje me një debat në një jaht privat.
Prokurorët kanë hequr dorë nga akuza në atë kohë për përdorim të lartë të alkoolit , por ai ende po përballet me akuzën për shkelje të ligjit.
Scott është nominuar 10 herë për çmimin “Grammy” dhe është një nga artistët më të njohur të zhanrit hip-hop në botë. Më parë ai ishte në një lidhje me Kylie Jenner dhe dyshja kanë dy fëmijë së bashku.
