Aksidenti i djalit të Angelina Jolie dhe Brad Pitt/ Dalin detaje të reja, dëshmitarja: Ai ishte vrarë keq, goja i ishte mbushur plot me gjak...
Nga OraNews Përditësimi i fundit 6 Gusht 2024, 13:15
Detaje të reja rreth aksidentit të djalit të Angelina Jolie dhe Brad Pitt, Pax janë zbardhur nga një dëshmitare. Lola Cavalli foli për Entertainment Tonight dhe zbuloi se ishte e para që pa aksidentin e të riut me motorin e tij dhe telefonoi ambulancën.
Mësohet se Cavalli qëndroi me 20-vjeçarin derisa mbërriti ndihma e shpejtë.
“Nuk pashë asnjë kockë të thyer apo shumë gjakderdhje. Kur fola në telefon me spitalin më kërkuan që të ushtroj presion në pikat e gjakderdhjes derisa të vinte ambulance” tha Cavalli.
Më pas shtoi: Nuk e pashë se ku mund të bëja presion mbi të, sepse goditja ishte në kokë. Ai ishte vrarë keq. Sapo Pax hapi gojën, zbulova se gjaku po buronte prej saj. Goja e tij ishte plot gjak.
Menjëherë pas kësaj, Pax u dërgua në një spital lokal dhe u shtrua në njësinë e kujdesit intensiv. Ai tani është jashtë terapisë intensive dhe po shërohet.
