Kënduan këngë raciste për Francën, himni i Argjentinës pritet me vërshëllima në Lojërat Olimpike të Parisit
Nga OraNews Përditësimi i fundit 24 Korrik 2024, 18:06
Lojërat Olimpike “Paris 2024” kanë nisur me disa sporte, njëra prej tyre edhe futbolli, ku një nga ndeshjet hapëse është ajo mes Argjentinës dhe Marokut.
Gjithsesi, kampionët e Botës nuk janë mirëpritur nga populli francez, të cilët nuk e kanë harruar videon e bërë virale me këngën raciste për “Gjelat”.
Gjatë himnit argjentinas, stadiumi filloi menjëherë ta vërshëllente. E njëjta gjë u bë dhe me skuadrën e regbisë së Argjentinës, në sfidën që kjo e fundit zhvilloi me Kenian.
Edhe pse disa prej lojtarëve argjentinas kërkuan falje për videon e bërë virale, duket se francezët e kanë të vështirë t’i falin.
