BE presion Rusisë e aleatëve/ Sanksione të reja Bjellorusisë për mbështetjen e luftës në Ukrainë
Nga Lili Saraçi Përditësimi i fundit 30 Qershor 2024, 13:32
Bashkimi Evropian shton presionin ndan Rusisë dhe vendeve aleate të Kremlinit që mbështetësin luftën në Ukrainë. Unioni së fundmi ka zgjeruar sanksionet ndaj Bjellorusisë.
Sipas Këshillit të BE-së, këto sanksione janë në përputhje me ato të vendosura ndaj Rusisë dhe synojnë sektorë të veçantë të ekonomisë bjelloruse, duke përfshirë tregtinë, shërbimet dhe transportin.
Masat po ashtu zgjerojnë kufizimet e eksportit për mallrat me përdorim të dyfishtë dhe të teknologjisë së avancuar dhe vendosin kufizime të reja për artikuj të tillë si pajisjet e lundrimit detar, teknologjia e rafinimit të naftës dhe mallrat luksoze.
Importet e arit dhe diamanteve, të cilat mund të ndihmojnë në diversifikimin e burimeve të të ardhurave të Bjellorusisë, tani janë të ndaluara.
Sanksionet mandatojnë që operatorët e BE-së të sigurojnë që filialet e tyre të huaja të mos dëmtojnë sanksionet dhe të ndalojnë transitin e mallrave të ndjeshme përmes Bjellorusisë.
Kufizimet në shërbimet tani përfshijnë kontabilitetin, auditimin, inxhinierinë dhe reklamimin.
Rregullat e transportit janë zgjeruar për të përfshirë rimorkio dhe gjysmë-rimorkio të regjistruara në Bjellorusi, si dhe kompanitë e BE-së me të paktën 25% pronësi bjelloruse. Paketa e re lejon operatorët e BE-së të kërkojnë kompensim për dëmet që lidhen me zbatimin e sanksioneve.
Raundi i fundit i sanksioneve bazohet në paketën e 14-të të sanksioneve të BE-së ndaj Rusisë, miratuar javën e kaluar, e cila përfshin një ndalim të ri-eksportit të gazit natyror të lëngshëm.
