Italia parandalon përmendjen e të drejtave të abortit në deklaratën e G7
Nga OraNews Përditësimi i fundit 14 Qershor 2024, 18:51
Kryeministrja italiane e krahut të djathtë Giorgia Meloni, si mikpritëse e samitit të G7, ka penguar grupin e demokracive të industrializuara të rikonfirmojnë një angazhim të qartë për të drejtën e abortit në deklaratën e tyre përfundimtare, sipas burimeve diplomatike.
Deklarata, e lëshuar tradicionalisht në ditën e fundit të samitit, do të thotë vetëm se gratë kanë të drejtën për “shërbime shëndetësore të përshtatshme, të përballueshme dhe cilësore”, edhe kur bëhet fjalë për kujdesin seksual dhe riprodhues.
Në samitin e G7 në Japoni vitin e kaluar, liderët mbajtën një qëndrim të qartë mbi këtë temë. Dokumenti thoshte se gratë duhet të kenë “akses në abortin e sigurt dhe ligjor dhe kujdesin pas abortit”.
Dallimi i opinionit rreth gjuhës rreth abortit shpërtheu dje në mbrëmje, me presidentin francez Emmanuel Macron që shprehu zhgënjimin e tij për rezultatin e mundshëm të këtij viti.
Macron vuri në dukje se në Francë e drejta e gruas për abort dhe liria për të kontrolluar autonominë e saj riprodhuese është një e drejtë e mbrojtur me kushtetutë.
Meloni, e cila kryeson një koalicion të partive të qendrës dhe të ekstremit të djathtë, më pas akuzoi Macron për përdorimin e forumit të G7 për të bërë fushatë në zgjedhjet e parakohshme të ardhshme të Francës.
Ajo tha se dokumenti i këtij viti do të ishte ndryshe thjesht për të shmangur përsëritjen e panevojshme nga deklarata përfundimtare e G7 në Japoni.
