Rey Manaj në formacionin e javës në Turqi me notën më të lartë
Nga OraNews Përditësimi i fundit 21 Maj 2024, 16:55
Sulmuesi i Kombëtares, Rey Manaj është përzgjedhur në majën e sulmit për raundin e 37-të në elitën e futbollit turk.
Manaj ka merituar notën 8.3 e cila është më e larta mes 11 emrave që janë në formacion.
Sivasspori i Manaj fitoi 1-3 në udhëtim kundër Istanbulspor, teksa lushnjari asistoi në minutën e 54-t për golin e tretë.
Paçka se nuk shënoi vetë, Manaj sërish është lider për ekipin dhe në Turqi janë dashuruar me lojën e 27-vjeçarit.
Ai pritet të jetë pjesë e listës që Sylvinho do të shpallë për në Euro 2024.
22 golat e këtij sezoni e kanë bërë Manajn të shumëkërkuar nga klubet më në zë të Turqisë dhe jo vetëm, teksa ai ka merituar rikthimin me kombëtaren shqiptare.
