Putin do të udhëtojë në Kinë
Nga OraNews Përditësimi i fundit 14 Maj 2024, 14:38
Pas fillimit të mandatit të tij të pestë në detyrë, presidenti rus Vladimir Putin do të udhëtojë në Kinë këtë javë për vizitën e tij të parë jashtë vendit.
”Udhëheqësi i Kremlinit pritet të mbërrijë në Pekin të enjten me ftesë të presidentit kinez Xi Jinping dhe të qëndrojë deri të premten”, njoftoi agjencia shtetërore e lajmeve kineze Hsinhua.
Vizita e fundit zyrtare shtetërore e Putinit në fqinjin lindor të Rusisë ishte pothuajse gjashtë vjet më parë.
Zgjedhja e Kinës si destinacioni i tij i parë pas rizgjedhjes së tij në mars, nënvizon lidhjet e ngushta midis dy fuqive bërthamore dhe anëtarëve të përhershëm të Këshillit të Sigurimit të Kombeve të Bashkuara.
Që kur Moska nisi pushtimin e saj të Ukrainës në vitin 2022 dhe vendosjen e sanksioneve perëndimore, Rusia ka qenë kryesisht e izoluar ndërkombëtarisht.
Megjithatë, Kina nuk e ka dënuar sulmin dhe ka miratuar një qëndrim neutral duke vazhduar të mbështesë partneren e saj afatgjatë.
