Persona të maskuar hapin zjarr në një sallë koncertesh në Moskë, 40 të vrarë dhe dhjetra të plagosur
Nga OraNews Përditësimi i fundit 22 Mars 2024, 18:59
Një incident me të shtëna ka ndodhur në një sallë koncertesh në Moskë. Mësohet se ngjarja ka ndodhur në sallën e koncerteve "Crocus City Hall" pranë Moskës.
Lajmin për sulmin e ka konfirmuar agjencia ruse e lajmeve të premten duke cituar shërbimet e urgjencës.
Sipas agjencisë së lajmeve RIA, të paktën 4 persona të maskuar hapën zjarr duke vrarë 40 persona dhe plagosur 35 të tjerë.
Agjencia e lajmeve TASS raportoi për një shpërthim dhe një zjarr në ndërtesën ku ndodhën të shtënat.
