Vuan nga probleme të shëndetit mendor, i burgosuri tenton t’i vendosë zjarrin qelisë në burgun e Drenovës
Nga OraNews Përditësimi i fundit 4 Mars 2024, 18:23
Në burgun e Drenovës një i burgosur ka tentuar të djegë qelinë ditën e sotme.
Sipas informacioneve nga burime brenda burgut bëhet e ditur se i burgosuri fillimisht ka tentuar t’i vendosë zjarrin dyshekut gjë që ka alarmuar të burgosurit e tjerë.
E menjëhershme ka qenë ndërhyrja e punonjësve të policisë së burgut të cilët i hoqën menjëherë nga duart çakmakun, të cilin e përdorte për të ndezur cigaret.
Mësohet se i burgosuri e ka bërë dhe herë të tjera këtë veprim ndërsa burime bëjnë të ditur se ai vuan nga probleme të shëndetit mendor. Sakaq, raportohet se aktualisht i burgosuri po mbahet nën vëzhgim.
