Kalifornia sekuestron 28 tonë fentanil kontrabandë në 2023

Nga OraNews Përditësimi i fundit 28 Shkurt 2024, 12:58

Autoritetet konfiskuan në vitin 2023 afërsisht 28 tonë fentanil të kontrabanduar në Kaliforni.

“Sasia totale e opioidit të fuqishëm sintetik të kapur vitin e kaluar është e mjaftueshme për të vrarë popullatën globale gati dy herë më shumë”, tha zyra e guvernatorit Gavin Newsom.

“Në vitin 2023, Garda Kombëtare e Kalifornisë mbështeti agjencitë e tjera të zbatimit të ligjit në operacionet kundër drogës në të gjithë shtetin, duke sekuestruar një rekord prej 28,122 kilogramë fentanil”, sipas një njoftimi.

Krahasuar me vetëm disa vite më parë, sasia e fentanilit të sekuestruar nga autoritetet është rritur në mënyrë dramatike.

Në vitin 2021, autoritetet e Kalifornisë kapën një sasi droge me vlerë 64 milionë dollarë.

Në vitin 2022 sasia e saj rrit në 12,700 kilogramë, me një vlerë prej 230 milionë dollarësh, bazuar në vlerësimin e Departamentit të Drejtësisë të SHBA-së për vlerat e paligjshme të drogës në rajonin e Los Anxhelosit.

Sipas autoriteteve, sasia totale e fentanilës së sekuestruar në vitin 2023 do të ishte në vlerën e rreth 670 milionë dollarëve.

Roli i Gardës Kombëtare të Kalifornisë në task forcën e shtetit kundër drogës është rritur gjithashtu gjatë vitit të kaluar.

Shteti zgjeroi numrin e anëtarëve të shërbimit të vendosur përgjatë kufirit dhe në San Francisko për të mbështetur Patrullën e Autostradave të Kalifornisë në zonat me intensitet të lartë të trafikut të drogës.

Administrata e Zbatimit të Drogës (DEA) tha se vetëm 2 miligramë fentanil konsiderohet një dozë vdekjeprurëse.

Në vitin 2022, më shumë se 110 000 persona vdiqën në të gjithë SHBA-në nga helmimet me ilaçe, ku rreth 70% e tyre lidhej me fentanilën.

“Shtetet e Bashkuara janë në mes të një epidemie të paprecedentë të helmimit nga droga”, tha DEA në një njoftim për shtyp.

“Vitin e kaluar, autoritetet federale sekuestruan gati 80 milionë pilula të rreme të lidhura me fentanilën”, sipas DEA-s.

Shitësit ilegalë të drogës janë në gjendje të bëjnë pilula që duken si medikamente legjitime me recetë, me pilula të blera në internet.