89 të vdekur nga moti i keq që ka përfshirë Shtetet e Bashkuara
Nga OraNews Përditësimi i fundit 23 Janar 2024, 07:00
Të paktën 89 persona humbën jetën në Shtetet e Bashkuara gjatë javës së kaluar për shkak të stuhive të ashpra të dimrit.
25 persona u konfirmuan të vdekur në Tennesee dhe të paktën 16 njerëz vdiqën në Oregon.
Vdekje u regjistruan gjithashtu në Illinois, Pensilvani, Misisipi, Uashington, Kentaki, Wisconsin, Nju Jork dhe Nju Xhersi.
Një pjesë e madhe e Shteteve të Bashkuara është përfshirë nga moti i ftohtë dhe reshjet e borës që nga 12 janari. Në shumicën e pjesëve të qendrës së vendit, temperatura e ajrit ra në -34.4 °C.
Stuhitë e forta të dimrit kanë shkaktuar gjithashtu kaos udhëtimesh në të gjithë vendin, duke çuar në mijëra anulime dhe vonesa fluturimesh në të gjithë vendin.
