Premier League/ Arsenali fitore me ''manita'' ndaj Crystal Palace, ''Topçinjtë'' ngjiten në vendin e tretë
Nga OraNews Përditësimi i fundit 20 Janar 2024, 15:53
Arsenali thyen 5-0 Crystal Palace në Emirates Stadium, duke siguruar tripikëshin e parë në kampionat për vitin 2024.
Suksesi me “manita” ka ngjitur përkohësisht nënkampionët e Anglisë në vendin e tretë me 43 pikë.
Dy më pak se Liverpooli kryesues, që ka luajtur një takim më pak.
Pjesa e parë u mbyll 2-0 për skuadrën e Mikel Artetës, që iu fal dy golave të qendërmbrojtësit Gabriel.
26-vjeçari brazilian u shfaq në rolin e mbrojtësit, duke realizuar dy golat e Arsenalit në fraksionin e parë të takimit.
Crystal Palace protesoi te goli i dytë për faull ndaj portierit, por VAR-i konfirmoi rregullsinë e golit të Arsenalit.
Goli i tretë erdhi pas një ore lojë. Kundërsulm i vendasve, asist i Gabriel Jesus dhe finalizim i bukur i belgut Trossard.
Në fund Gabriel Martinelli “show”.
Sulmuesi brazilian realizoi dy gola identikë në minutat shtesë të sfidës, duke kompletuar triumfin me “manita” për skuadrën e Mikel Artetës.
