Lufta e përgjakshme, Autoriteti Palestinez: Nuk ka siguri në Lindjen e Mesme, të krijohet një shtet i ri
Nga OraNews Përditësimi i fundit 19 Janar 2024, 10:41
Presidenti i Autoritetit Palestinez deklaroi se nuk do të ketë siguri apo stabilitet në Lindjen e Mesme pa krijimin e një shteti të pavarur palestinez.
Ndërkohë kreu i qeverisë izraelite Benjamin Netanyahu tha dje se ideja e krijimit të një shteti palestinez do të binte ndesh me sigurinë e Izraelit.
“I gjithë rajoni është në prag të një shpërthimi vullkanik,” tha zëdhënësi i PA Nabil Abu Rudeineh, sipas agjencisë palestineze të lajmeve ËAFA, duke shtuar se vërejtjet e Netanyahut tregojnë se qeveria izraelite është “e vendosur të shtyjë të gjithë rajonin në humnerë”.
Rudeineh pretendoi gjithashtu se SHBA-ja “mbart përgjegjësinë për përkeqësimin e sigurisë dhe stabilitetit në rajon për shkak të paragjykimeve dhe mbështetjes së verbër për pushtimin izraelit.”
Ndërsa presidenti amerikan Joe Biden ka mbrojtur prej kohësh një zgjidhje me dy shtete të konfliktit izraelito-palestinez. Zyrtarët amerikanë thanë të enjten se nuk do të lejojnë refuzimin e dukshëm të një shteti palestinez nga ana e Netanyahut, që t’i ndalojë ata të shtyjnë çështjen me homologët e tyre izraelitë.
