PAMJE TË RËNDA nga Tel Avivi/ Një person godet me thikë një grua dhe përplas një fuoristradë në një turmë, 1 i vdekur, shumë të plagosur

Nga OraNews Përditësimi i fundit 15 Janar 2024, 20:51

Një alarm është ngritur në veri të Tel Avivit , në zonën Ra’anana, me një të vdekur dhe dhjetëra të plagosur rëndë pas një sulmi. Faqja e internetit Jerusalem Post foli që në momentin e parë të një sulmi terrorist, ku pati një goditje me thikë dhe menjëherë pasi një automjet u përplas me kalimtarët.

Në veçanti, siç raportohet, një terrorist goditi me thikë një grua, më pas vodhi një makinë dhe më vonë u përplas, më shumë se një herë, me makinën e tij në njerëz, në vende të ndryshme.

Palestinezi u përplas me turmën fillimisht në rrugën Ahuza, më pas humbi kontrollin e mjetit, doli prej tij dhe mori një tjetër me të cilin u përplas sërish me njerëzit në rrugën Haroset.

Sulmuesi 44-vjeçar, i cili vjen nga Hebroni në Bregun Perëndimor dhe është arrestuar, ndërroi tre herë makina. Siç është bërë e ditur nga autoritetet, po kryhen hetimet për gjetjen e nipit të autorit i cili ka qenë duke hipur me të në makinë dhe është larguar nga vendi i ngjarjes pas ngjarjes.

Sipas një dëshmitari okular që foli për rrjetin izraelit Haaretz, ai pa një burrë që goditi me thikë tre persona, vodhi një makinë dhe ra në një turmë.

Mediat izraelite raportojnë për dhjetëra të plagosur. Mes tyre njëri ndodhet në gjendje kritike për jetën, ndërsa mes atyre që janë identifikuar një 34-vjeçar dhe një 16-vjeçar me lëndime në kokë.

Ende nuk është sqaruar se cila organizatë qëndron pas ngjarjes.

Në vendngjarje kanë mbërritur autoambulancat dhe makinat e policisë.

Policia izraelite ka lëshuar një deklaratë menjëherë pas ngjarjes, duke thënë se janë duke hetuar, në një kohë kur janë dhënë udhëzime të veçanta për publikun.

Pas sulmit, një njoftim është lëshuar edhe nga autoriteti komunal që urdhëron mbylljen e shkollave.

Vihet re se ngjarja po regjistrohet në një periudhë të tensionuar për Lindjen e Mesme, ku Izraeli tashmë është në konflikt të vazhdueshëm me Hezbollahun, të cilët së bashku me Hamasin kanë përshkallëzuar sulmet e tyre.