Dënohet me burg këngëtari iranian i popit, dhunoi kodin e rreptë të veshjes për gratë
Nga OraNews Përditësimi i fundit 10 Janar 2024, 18:51
Këngëtari iranian i popit Mehdi Yarrahi, i cili u arrestua dhe më pas u lirua me kusht për publikimin e një kënge kundër detyrimit që gratë të mbajnë shami, është dënuar me burg. 42-vjeçari u arrestua në fund të gushtit nga autoritetet iraniane pasi publikoi një këngë duke vënë në dyshim detyrimin që gratë të veshin shaminë.
Ai u lirua më vonë me kusht pasi u mbajt për gati dy muaj në burgun Evin të Teheranit.
“Klienti im, Mehdi Yarrahi, u dënua gjithsej me dy vjet e tetë muaj burg dhe 74 kamxhik nga një gjykatë e shkallës së parë”-tha avokati i Zahra Minouei në një postim në platformën "X".
Këngëtari kishte publikuar këngën “Rusarito” (“Shamia jote” në persisht) në përvjetorin e vdekjes së të resë kurde iraniane Mahsha Amini, e cila vdiq në shtator 2022 pasi u arrestua nga policia e moralit me akuzën se dhunoi kodi i rreptë i veshjes i vendosur për gratë. Yarrahi kishte publikuar këngën dhe videoklipin e saj tre-minutësh në favor të “përdorimit fakultativ të shamisë”, duke ia kushtuar atë grave të guximshme iraniane që iu bashkuan valës së protestës.
